USTM, International Day of the World’s Indigenous Peoples-o cultural Carnival-ko mania

Guwahati, Aug 10: International Day of the World’s Indigenous Peoples-ko gisik ra·aniko dakna ine, University of Science and Technology Meghalaya-ni (USTM) Department of Sociology Sonibar salo workshop cum exhibition-ko ong·ataha.

Noksarangko salanirang, cha·a-ringanirang aro jakchi tarigimin bosturangko mesokanichi ia salo Indigenous community-rangni niksenggipa, an·saogipa janggi tangani bewalrangko manianiko dakangaha.

USTM-ni Chancellor Mahbubul Hoque ia tom·aniona re·bae bak ra·angaha.

Tom·ani a·bachengo, dakrongbewal gita rimchaksoanirangko dake, ia salko maniani gamchataniko talataha.

Advertisement

Chatro-chatrirang aro faculty memberrang damsan bakrime an·tangtangni changa-sapani aro jatni dakbewalrangko u·i-ma·sianiko dingtang dingtang cholrangchi mesokangaha.

Manianiko dakengmitingo, chasongni chasongna dakrikrikbaenggipa dakbewalrang aro nima-retirangoniko ra·e tarigimin bosturang aro souvenir-rangko mesokanirangko dakangaha, aro dingtangmancha dingtang dingtang jatrangni jakkalgipa bosturang aro me·su-samjakrang aro u·ianiko jakkale cha·anirangko tarie, chasongni chasongna tarie cha·baenggipa cha·anirangko cha·e nina cholkoba on·aha.

Una agreba ia manianio, jatsa jatgipinni gimin skie ra·na aro u·ina, uandake dingtang dingtang jatrangni dakbewalrangko ripingani gamchatani gimin u·ina cholrangko man·aha.

Globalisation aro jatrangni dakbewalrangni gimaangroroenggipa chasongo, USTM-ni Department of Sociology dingtangmancha indigenous ba songdonggipa manderangni janggi tangani bewalrang, cha·ani-ringani aro jakchi tarigimin bosturangko manina aro tangchaatpilna on·kange ja·ku de·aha.

Ia reti dakbewalrang chasongsaoni chasong gipinona u·iani aro rasong chaaniko batroroatna namen gamchatgipa dakna nanggni ong·a.

Na·simang iakoba nina man·gen: 

Na·simang iakoba poraina man·gen: Assam-o niam retirangko rakkina man·jaenga ine CM-ko kam watchina AIUDF dabia

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

_{Images are for reference only.Images and contents gathered automatic from google or 3rd party sources.All rights on the images and contents are with their legal original owners.}