WW1-ni bidingo tarigipa documentary filmko Tura-o mesoka

By Pune Media On May 24, 2025

Tura, May 24: Wanphrang Diengdoh-ni tarigipa film, “Because We Did Not Choose”-ko Sonibar salo Turani District Auditorium-o wate mesokangaha. Joint NGO’s Forum, Mother’s Union aro Senior Citizenrang melie ia mesokaniko ong·ataha, jeon a·gilsakni skanggipa dal·gipa dakgrikani somoio Indiani Salgro-Salaram a·dokrangni a·brini jatrang, mongsongbate Meghalayani manderangni bakrimanirangko mesoka.

Wanphrang Diengdoh, bilsi bri-na ning·tue sandirikkitanirangko dake, Europe aro India a·songrango ia fimko tariaha aro una Commonwealth War Graves Commission, Goethe-Institute aro Meghalaya sorkari dakchakaha.

A·gilsakni skanggipa dal·gipa dakgrikani somoio Indiani Salgro Salaram a·dokrangoniko Britishrangni kam ka·na rimanggipa sipairangni golporangko ia documentary-o mesoka. Uanoni dolsara Garo Labour Corps ong·a. Uamangni a·gitalgipa biapona re·ange an·tangtangko on·kange kam ka·anirang itihasoni gimaangroroengaha. Tura-o ia filmko mesokanichi manderangna, mongsongbate chadamberangna gisik ra·atpilna aro u·iatna miksonge ja·ku de·ani ong·a.

Film-ni matchoto, uko tarigipa Wanphrang Diengdoh baksa video conferenceko dakna man·aha aro uandaken itihas, gisik ra·pilani aro uandakgipa kattarangni gimin chanchirimna, aro dakgrikani somoirango a·brini jatrangni janggi tanganirang aro an·tangtangko on·kanganirangni gimin ning·tue niatna man·aha.

Ia filmko mesokaniara, Garo Labour Corps-ko gisik ra·na aro uamangko mande ra·na songgimin krongrangko adita salrangna skang pe·e galanina aganchakaniba ong·a.

Bang·a dingtang dingtang manderang aro chatro-chatrirang gisik nange, itihas-ko ripingna aro gualgimin sipairangko gisik ra·na ia filmko nina re·baaha.

Na·simang ia video-koba nina man·gen:

Na·simang iakoba poraina man·gen: Indiani Fashion designer Sanjukta Dutta Canes Film Festival-o niksenga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Instagram- www.instagram.com/ne_media_hub

_{Images are for reference only.Images and contents gathered automatic from google or 3rd party sources.All rights on the images and contents are with their legal original owners.}

_{Aggregated From –}

_{Source link}